Newsletter-sq April 2014

newsletter-sq@lists.fsfe.org

1 participants
1 discussions

Buletini i FSFE-së - Prill 2014
by press＠fsfeurope.org 04 Apr '14

04 Apr '14

= Buletini i FSFE-së - Prill 2014 = [ Lexojeni online: https://fsfe.org/news/nl/nl-201404.sq.html ] == Dita e Lirisë së Dokumenteve: Standardet e Hapura të shpjeguara si për gjyshen == Edhe pse më tepër sipërmarrës dhe politikanë po e kuptojnë rëndësinë e Standardeve të Hapura, njerëzit nuk e shohin lidhjen me jetën e tyre të përditshme. Kjo është arsyeja pse më 26 Mars organizuam sërish Ditën e Lirisë së Dokumenteve[1] (DLD). Këtë vit patëm plot material të ri: fletëpalosje të reja, në gjuhë të ndryshme, me shpjegime mbi Standardet e Hapura[2], dhe një seri vizatimore[3] ju tregojnë pse do të duheshin përdorur Standardet e Hapura, që të mos keni probleme me kartelat tuaja kur të jeni të moshuar. Pati të paktën 51 veprimtari në 22 vende[4], të organizuara nga një shumicë grupesh të pavarura. Vullnetarët e FSFE-së në Mbretërinë e Bashkuar dhanë një çmim për The OpenStreetMap Foundation ne Birmingam[5], ndërsa Werner Koch nga FSFE-ja mori pjesë në një veprimtari mbi Standardet e Hapura në Kriptografi, në Parlament[6]. Grupi ynë vendor në Linc organizoi një stendë informacioni në qendër të qytetit[7], dhe në mbrëmje mbajtën në universitet një bisedë rreth Standardeve të Hapura. Në stendën e Vjenës vullnetarët tanë patën një problem me skulptoren e një monumenti[8], por prapëseprapë shpërndanë një sasi të madhe fletëpalosjes dhe dhanë informacione rreth Software-it të Lirë dhe Standardeve të Hapura edhe për katër oficerë miqësorë policie. Ekipi ynë i DLD-së[9] është ende në grumbullim e sipër të informacioneve se çfarë u bë gjatë javës së DLD-së, dhe do të botojë një raport të plotë gjatë Prillit. == Institucion i BE-së pranon robërimin nga Microsoft-i == Në një letër të kohëve të fundit për eurodeputeten Amelia Andersdotter[10] (PDF), Komisioni Europian pranon se është në një gjendje "robërie efektive" nga Microsoft-i. Ashtu si e ka treguar FSFE- ja në mënyrë të përsëritur, se ky është një problem i pazgjidhur për Komisionin, Këshillin dhe Parlamentin. Ditën e Lirisë së Dokumenteve FSFE-ja dhe Open Forum Europe i dërguan një letër të hapur Parlamentit Europian dhe Komisionit Europian, në të cilën viheshin në dukje bllokimi prej tregtuesi në rastin e Microsoft-it[11]. == Përdorimi i Software-it të Lirë në sektorin arsimor të Holandës == Lajmet mbi Software-in e Lirë në arsim për Shkurtin[12] janë gati, përfshi një përditësim rreth fushatës NLEdu[13]: Kevini raporton se drejtori komercial i SchoolMaster-it, furnizuesi më i madh holandez për software administrim ELO-sh/nxënësish, ripohoi se në Prill do të hedhin në qarkullim një version HTML5, të pavarur nga platformat, duke zëvendësuar kështu versionin për Silverlight. Kjo do të përbënte një sukses për fushatën NLEdu, ngaqë u lejon përdoruesve të Software-it të Lirë të përdorin materiale kursesh me çfarëdo shfletuesi. Kevin Keijzer-i ka botuar të dhëna të hollësishme rreth kësaj çështjeje[14]. == Diçka krejt tjetër == - Për zgjedhjet e Parlamentit Europian, 22-25 Maj, FSFE-ja përkrah Paktin për Software të Lirë, dhe WePromise.Eu nga EDRi[15]. Vullnetarët tanë u morën me përkthimet, dhe po ndihmojnë në promovimin e fushatës[16]. - Karsten Gerloff mori pjesë në takimin e parë të Rrjetit Ligjor Aziatik (Asian Legal Network) në Hong Kong[17]. Shumica e pjesëmarrësve vinin nga kompani teknologjike në Tajvan, Kinë, Hong Kong, dhe Kore. Bëhet fjalë për një varg takimesh të përbashkëta për FSFE-në, Open Invention Network-un dhe Linux Foundation-in. I frymëzuar nga Rrjeti Ligjor, të cilin FSFE-ja e ka vënë në jetë që prej 2006-s[18], ka të njëjtin synim me të: t'u mundësojë ekspertëve ligjorë të ndajnë me njëri- tjetrin dije mbi Software-in e Lirë. - FSFE-ja i uron mirëseardhjen në Përfaqësinë e Përgjithshme[19] përfaqësuesit të ri të Anëtarësisë Shok, Stefan "Penny" Harmuth[20]. - PDFreaders: Heiki njofton pse na u desh të hiqnim SumatraPDF nga pdfreaders.org[21], ngaqë përmban kod jo të lirë. - Takime vendore të Anëtarësisë Shok të FSFE-së: Guido Arnold njofton prej takimit në Frankfurt[22] dhe bën të ditur edhe planin për veprimtaritë e ardhshme në Wiesbaden, Bad Homburg, dhe, sigurisht, në Frankfurt. Falë Simon Wächter-it, grupi ynë në Zyrih iu rikthyen takimeve të tyre të përmuajshme të Anëtarësisë, pas disa kohësh shkëputjeje të veprimtarisë[23]. - Pas disa vitesh, bashkërenduesi ynë i ekipit të arsimit, Guido Arnold, vizitoi më në fund Chemnitzer Linuxtage[24]. Si edhe në vitet e shkuara, FSFE-ja qe e pranishme me një stendë, dhe shpërndau fletëpalosjet tona të reja për fillestarë rreth Software-it të Lirë[25], shkruar nga grupi ynë i Anëtarësisë në Vjenë për një festival vegan dhe që tani është i shtypur në Anglisht, Gjermanisht, Frëngjisht, dhe i shtypshëm në Finlandisht. Veç kësaj, redaktori juaj mbajti një fjalë rreth kërcënimeve ndaj kompjuterit për përdorim të përgjithshëm. - Mirëpresim botimin nga ana e Aleancës për Biznes me Burim të Hapur (OSB Alliance) të një udhërrëfyesi se si të prokurohet Software i Lirë për administratën publike, për administratën publike gjermane[26]. - Gjatë LibrePlanet 2014 çmimet e Software-it të Lirë iu dhanë Programit të Fondacionit GNOME për Mbërritjen te Femrat, dhe Matthew Garrett- it[27], për punën e tij në mbajtjen e "Nisjes së Sigurt"[28] të përputhshme me Software-in e Lirë. Dan Fritzmartin dokumentoi hapat se si krijoi një video për LibrePlanet-in duke përdorur vetëm Software të Lirë[29]. - Çlironi Android-in Tuaj[30]: Paul Kocialkowski nga Replicant zbuloi një deriçkë të pasme te Samsung Galaxy[31]. Me pak fjalë, këto pajisje kanë një program pronësor userspace i cili pranon kërkesa prej firmware-i pronësor për modifikim të sistemit të kartelave. Duke zëvendësuar atë program userspace me një të lirë, kjo deriçkë e pasme mund të mbyllet nga Replicant -- sigurisht që firmware-i pronësor i modemit prapë do të ketë kontroll të mjaftueshëm mbi pajisje, sa të kryente mjaft gjëra të dëmshme. - Provinca Autonome e Bolcanos do të rrisë përdorimin nga ana e saj të Software-it të Lirë, njoftoi guvernatori i saj, Arno Kompatscher[32]. Parlamenti Europian dëshiron që departamenti i vet TI të rehabilitojë programin e tij pilot për desktopin GNU/Linux. Të martën, komiteti i PE-së mbi kontrollin buxhetor pranoi një kërkesë nga eurodeputetët Bart Staes dhe Amelia Andersdotter për të rifilluar programin pilot për desktopin GNU/Linux[33], arkivuar më 2012-n. - Nga grumbullimet planet[34]: - Sajoni një ftesë për artikuj, përzgjidhni një dorë fjalimesh, botoni një plan, merrni me qira një mjedis, shisni ca sende - zbavituni: kaq është, në thelb, çka duhet për të organizuar një konferencë, apo jo? Në teori ndoshta - në praktikë - jo dhe aq. Anëtarja shoqe, Isabel Drost-Fromm po u tregon të tjerëve përvojën e saj në organizim veprimtarish, që kështu të munden të mësojnë prej saj[35], p.sh. se si rritja e çmimit të biletave lidhet me orët tuaja të gjumit. - Hugo Roy e konsideron vetveten një përdorues të plotë Turing[36]. Për të kuptuar këtë na drejton te një sprovë e këshillueshme e Olia Lialina-s[37]. Lidhur po me këtë, nëse nuk e keni parë sajtin për zbulim gabimesh, të Benjamin Mako Hill-it[38], ia vlen ta shihni. - Henrik Sandklef shkruan se ç'është arsimi[39], dhe mbi kërkimet e tij për një strategji mbi dhënie mësim programimi fillestarëve[40]. - Nikos Roussos shkruan se pse është e vështirë që të funksionojë shpërndarja[41], dhe pse ndodh centralizimi. Ai është i mendimit se të tërë ne tok mund të ngremë një Internet që është i shpërndarë, edhe pse kjo lyp përpjekje dhe vendosmëri. - Ai dokumenton gjithashtu si të montohet Popcorn Time prej burimi dhe se si të xhirohet[42]. - Jens Lechtenbörger përshkruan fiksim dëshmish në GNU Emacs[43]. - Timo Jyrinki prej ekipit tonë finlandez shkruan rreth problemeve gjatë kalimit në Qt 5.2.1, për Ubuntu, çka përfshin afërsisht 130 paketa burim[44]. - Franz Grazer shkroi një artikull lidhur me pyetjen: A na duhet DRM-ja?[45], ku mbron tezën se Software-i i Lirë nuk do të duhej të merrej fare me DRM-në, për sa kohë që bëhet fjalë për kyçje dhe bllokime. - Matija dokumentoi Si të krijoni blogun tuaj të bazuar në Pelican, duke përdorur ownCloud dhe WebDAV[46] dhe raporton lidhur përfundimet e veta të para me provën e brisqeve DE për rruajtje me vaj[47]. == Hidhuni në veprim: E drejta për të mos paguar për software jo të lirë == Sekretet e zbuluara nga Edward Snowden lidhur me survejimin masiv të komunikimeve dëshmon për nevojën që çdo person të jetë në gjendje të kontrollojë kompjuterin dhe telefonin e tij. Por prodhuesit e kompjuterave dhe telefonave, dhe shitësit e tyre, zakonisht e detyrojnë përdoruesin të përdorë programe që rrezikojnë privatësinë e tyre. Çdo person, atëherë, duhet të ketë mundësinë të mos pranojë të paguajë për software jo të lirë, dhe t'i lejohet të zgjedhë programet që xhiron në kompjuterin dhe telefonin e tij, në rastin tonë një sistem operativ Software të Lirë dhe tjetër Software të Lirë. Ne iu bashkuam organizmave të tjerë anembanë botës[48] në kërkesën e tyre për zgjedhje pa vargonj të sistemit operativ në telefona, laptopë dhe të tjera pajisje kompjuterike. Këtë muaj ju kërkojmë të nënshkruani peticionin ndërkombëtar[49], dhe të na ndihmoni ta përhapim[50]! Falënderime për krejt vullnetarët[51], Anëtarët Shok[52] dhe korporatat dhuruese[53] që bëjnë të mundur punën tonë, Matthias Kirschner - FSFE -- Free Software Foundation Europe <https://fsfe.org> FSFE News <https://fsfe.org/news/news.en.rss> Upcoming FSFE Events <https://fsfe.org/events/events.en.rss> Fellowship Blog Aggregation <https://planet.fsfe.org/en/rss20.xml> Free Software Discussions <https://fsfe.org/contact/community.en.html> 1. http://documentfreedom.org 2. http://documentfreedom.org/promotion.html 3. https://blogs.fsfe.org/mk/comic-and-quotes-why-you-should-use-open-standard… 4. http://documentfreedom.org/events/events.html 5. http://documentfreedom.org/news/2014/news-20140324-01.html 6. http://www.greenmediabox.eu/archive/2014/03/26/greensefa-4th-document-freed… 7. https://blogs.fsfe.org/jzarl/2014/03/29/celebrating-document-freedom-day-in… 8. https://blogs.fsfe.org/franz.gratzer/2014/03/28/document-freedom-day-in-vie… 9. http://documentfreedom.org/contact.html 10. https://ameliaandersdotter.eu/sites/default/files/andersdotter_annex.pdf 11. https://fsfe.org/news/2014/news-20140326-02.sq.html 12. https://blogs.fsfe.org/guido/2014/03/free-software-in-education-news-collec… 13. http://fsfe.org/campaigns/nledu/ 14. http://blogs.fsfe.org/the_unconventional/2014/03/04/nledu-progressions-and-… 15. https://fsfe.org/news/2014/news-20140304-01.sq.html 16. https://blogs.fsfe.org/hugo/2014/03/the-free-software-pact-for-the-european… 17. https://fsfe.org/news/2014/news-20140314-01.sq.html 18. https://fsfe.org/activities/ftf/network.sq.html 19. https://fsfe.org/about/team.sq.html#id-general-assembly 20. https://fsfe.org/news/2014/news-20140303-01.sq.html 21. https://blogs.fsfe.org/repentinus/english/2014/03/05/pdfreaders-org-removal… 22. https://blogs.fsfe.org/guido/2014/03/report-of-latest-fellowship-meeting-in… 23. http://wiki.fsfe.org/FellowshipEvents/Zurich%202014-03-06 24. https://blogs.fsfe.org/guido/2014/03/dieses-jahr-geht-es-endlich-nach-chemn… 25. https://fsfe.org/contribute/spreadtheword.sq.html#free-software 26. http://www.osb-alliance.de/themen-aktuelles/detailansicht/artikel/cebit-kos… 27. https://www.fsf.org/news/free-software-award-winners-announced 28. http://fsfe.org/campaigns/generalpurposecomputing/secure-boot-analysis.html 29. https://www.fsf.org/blogs/community/how-i-made-a-video-for-libreplanet-usin… 30. https://fsfe.org/campaigns/android/android.sq.html 31. https://www.fsf.org/blogs/community/replicant-developers-find-and-close-sam… 32. https://joinup.ec.europa.eu/community/osor/news/south-tyrol-increase-use-fr… 33. https://joinup.ec.europa.eu/community/osor/news/european-parliament-covets-… 34. http://planet.fsfe.org 35. http://blog.drost-fromm.de/posts/how-hard-can-it-be-organising-a-conference… 36. http://hroy.eu/posts/im-a-turing-complete-user/ 37. http://contemporary-home-computing.org/turing-complete-user/ 38. http://revealingerrors.com/ 39. http://sandklef.wordpress.com/2014/03/19/education-nevermid-what-was-it-any… 40. http://sandklef.wordpress.com/2014/03/04/wanted-a-strategy-for-teaching-pro… 41. http://www.roussos.cc/2014/03/12/making-things-distributed-is-hard/ 42. http://www.roussos.cc/2014/03/21/building-running-popcorn-time/ 43. https://blogs.fsfe.org/jens.lechtenboerger/2014/03/23/certificate-pinning-f… 44. http://losca.blogspot.de/2014/03/qt-521-in-ubuntu.html 45. https://blogs.fsfe.org/franz.gratzer/2014/03/08/do-we-need-drm/ 46. http://matija.suklje.name/how-to-write-your-pelican-powered-blog-using-ownc… 47. http://matija.suklje.name/the-first-results-of-testing-de-razor-blades-for-… 48. http://no.more.racketware.info/petition/support 49. http://no.more.racketware.info/petition/click/en 50. http://no.more.racketware.info/petition/index 51. https://fsfe.org/contribute/contribute.sq.html 52. http://fellowship.fsfe.org/join 53. https://fsfe.org/donate/thankgnus.sq.html

1 0

2024

2023

2022

2021

2020

2019

2018

2017

2016

2015

2014

2013

Newsletter-sq April 2014